Kwa Yote Mlofanya

Mengi mawazo akilini

Ya muhimu kwa yakini

Makuu yalo nyumbani

Sitoyasahau maishani

Wa nne kwa kuzaliwa

Ndugu wengine sita sawa

Kwa maadili kulelewa

Kisomo hitaji kupewa

Nawashukuru sana wazazi

Kwa mema na makuu malezi

Baraka naomba kwa mwenyezi

Awape nafasi kwa yake enzi

Masomo kwa taabu metupa

Bila kazi karo kulipa

Zizini ng’ombe wote mehepa

Shamba pia hadi mekopa

Metufunza tabia njema

Uadilifu na heshima

Unyenyekevu na wema

Asanteni baba na mama

Umbali huu tumefika

Ni maulana hakika

Milele atatukuka

Jina lake Rabuka

Sasa mwachumia juani

Kuchanika kukicha kwa mpini

Twatia bidii masomoni

Ile mje kula kivulini

Msikat etamaa mungu yupo

Msichoke kamwe muombapo

Naamini mimi ila sio kiapo

Mema yaja tumaini lipo

Huenda leo twalia

Ugumu mwingi kupitia

Ila mola tukimkimbilia

Zigo atatua chozi tatufutia

Kwa: Baba, mama, na ndugu wote

Mungu awabariki